पुणे येथे कोयता गँगची दहशत दिवसेंदिवस वाढताना दिसत असून पुणेकर हे भयभीत झाले आहे. शहरातील उत्तमनगर भागामध्ये सिगारेट न दिल्याच्या रागातून टोळक्याने थेट दुकान फोडले आहे,

मिळालेल्या माहितीनुसार, हा सगळा प्रकार काल उत्तमनगर पोलीस ठाण्याच्या हद्दीत असलेल्या परिसरात घडला. दुकानदार आणि हे सगळे तरुण एकमेकांच्या ओळखीचे आहेत. हे सगळे जणं अनेक वेळा या दुकानात जात होते. काल सुद्धा त्यांनी दुकानदाराकडून सिगरेट मागितली. मात्र, दुकानदाराने त्यांना सिगरेट देण्यास मनाई केली. याचा राग या सर्व तरुणांना आला. काहीच वेळात निघून गेलेले तरुण पुन्हा आले आणि दुकानदाराला शिवीगाळ केली आणि कोयते काढून दुकानावर वार केले. या हल्ल्यात दुकानाचे मोठे नुकसान झाले. ही सर्व घटना सी सी टिव्ही मध्ये कैद झाली आहे