कोकण रेल्वेने गणपती सणासाठी कोलाड ते वेरन दरम्यान 'रोरो सेवा' सुरू करण्याची घोषणा केली आहे. मात्र, ही सेवा केवळ कोलाड येथून सुरू होणार असून, मार्गातील इतर कोणत्याही स्थानकावर ही सेवा उपलब्ध नसेल. त्यामुळे मुंबईहून कोकणात जाणाऱ्या लाखो चाकरमान्यांना या सेवेचा कोणताही प्रत्यक्ष फायदा होणार नाही.या निर्णयामुळे चाकरमान्यांना आधी मुंबईहून वाहन घेऊन कोलाडला जावं लागणार असून, तिथूनच ही सेवा थेट गोव्याला उपलब्ध असेल. कोकणातील चिपळूण, रत्नागिरी, कुडाळ, सावंतवाडी आदी प्रमुख स्थानकांवरील प्रवाशांना या सेवेचा लाभ घेता येणार नाही. यामुळे रोरो सेवेच्या जागी अधिक अतिरिक्त गणपती विशेष एक्स्प्रेस गाड्या चालवाव्यात, अशी जोरदार मागणी प्रवाशांकडून करण्यात येत आहे.