कोकण किनारपट्टीला अजस्त्र लाटांचा जोरदार तडाखा बसला आहे. समुद्रात उंचच्या उंच लाटा उसळत आहेत. आज जून महिन्यातली सर्वात मोठी भरती असल्याने समुद्र अधिकच खवळलेला आहे. साडेतीन ते चार मीटर पेक्षा उंच लाटा समुद्रात उसळताना दिसत आहेत. यासोबतच किनारपट्टी भागात वेगवान वारे वाहत आहेत.

हवामान खात्याने दिलेल्या इशाऱ्यानुसार, किनारपट्टी भागातील नागरिकांना आणि पर्यटकांना समुद्राच्या ठिकाणी जावू नये असे अहवान करण्यात आले आहे. मत्स्यव्यवसाय करणाऱ्या मासेमाऱ्यांनाही समुद्रात न जाण्याचा इशारा देण्यात आला आहे. त्यामुळे पुढील काही तास किनारपट्टी भागातील नागरिकांसाठी अत्यंत महत्वाचे आहेत.