कोल्हापुरातील सेनापती कापसे इथल्या एका शाळेत शिक्षकाकडून अल्पवयीन विद्यार्थिनींचा विनयभंगाचा धक्कादायक प्रकार उघडकीस आला आहे. या प्रकारामुळे परिसरात एकच खळबळ उडाली असून, संतप्त पालकांनी थेट शाळेत धाव घेत आरोपी शिक्षकाला चोप दिला आहे. या प्रकारामुळे शाळा परिसरात तणावाचं वातावरण निर्माण झाले आहे. घटनेची माहिती मिळताच पोलिसांनी तातडीने घटनास्थळी धाव घेऊन परिस्थिती नियंत्रणात आणली.

पोलिसांनी आरोपी शिक्षकाविरोधात POCSO कायद्यांतर्गत गुन्हा दाखल केला असून पुढील तपास सुरू आहे.या प्रकारामुळे पालक आणि स्थानिक नागरिकांमध्ये संतापाची लाट उसळली आहे. अनेकांनी शाळेतील सुरक्षेचा प्रश्न उपस्थित करत संबंधित शिक्षकावर कठोरात कठोर कारवाईची मागणी केली आहे. शिक्षण संस्थांमधील विद्यार्थ्यांच्या सुरक्षेचा प्रश्न पुन्हा एकदा ऐरणीवर आला आहे.