कोल्हापूर जिल्ह्यातील इंगळी गावाच्या हद्दीत अघोरी प्रकार केल्याची घटना उघडकीस आली आहे. आठ ते दहा तरुणांनी मध्यरात्री गावात फिरून आघोरी पूजा केल्याचं उघड झाले. मध्यरात्री हे तरुण गावात फिरत असल्याचा सीसीटीव्ही सामटीव्हीच्या हाती लागला आहे. ऐन दिवाळीतच अघोरी पूजा केल्याचा प्रकार उघड झाल्याने नागरिकांमध्ये भीतीचे वातावरण आहे.

इंगळी गावाच्या कमानीजवळच जनावराचं काळीज पांढऱ्या फडक्यात ठेवून त्या भोवती कुंकू, गुलाल, लिंबू , केळी आणि केळीचं कट केलेलं झाड ठेवण्याचा प्रकार उघड होता. या घटनेमुळे खळबळ उडाली होती. पहाटे रस्त्याच्या मध्यभागीच जनावराचं काळीज पांढरा फडक्यात ठेवून अघोरी पूजा केल्याचा ग्रामस्थांचा संशय होता. या घटनेमुळे इंगळी गावात भीतीचे वातावरण आहे. अशातच सीसटीव्ही समोर आल्यानंतर ही अघोरी पूजा कुणी केली याची माहिती समोर आली. ही अघोरी पूजा करणाऱ्या संशयितांना पोलिसांनी ताब्यात घेतलं.