कोल्हापूर जिल्ह्यात आता थंडीची हलकी चाहूल जाणवू लागली आहे आणि या दृश्याने तर क्षणभर वाटतं पृथ्वीवरच स्वर्ग अवतरला की काय! पांढऱ्या मखमली ढगांची दुलई जणू थेट जमिनीवर उतरल्यासारखी वाटत आहे. हिरव्यागार वनराईला मिठी मारत गावांवर पसरलेलं ढगांचं अप्रतिम विश्व! हे मन मोहून टाकणारं दृश्य आहे. पन्हाळगडाच्या पायथ्याजवळील एक व्हिडिओ समोर आला असून, बांधिवडे गावाजवळ सकाळी डोळे उघडताच हिरवे पर्वत, शांत धुकं आणि ढगांची मखमली चादर असे दृश्य पाहायला मिळाले आहे. हे सगळं एकत्र पाहिलं की मनात एकच भावना उमटते ती म्हणजे निसर्गाने स्वतःचा कॅनव्हसच इथे रंगवला आहे.