औरंजेबाची कबर हटवण्यासाठी विश्व हिंदू परिषद आणि बजरंग दलाकडून सोमवारी करण्यात आलेल्या आंदोलनाला नागपूरमध्ये हिंसक वळण लागले आहे.काल संध्याकाळी नागपूरमध्ये दोन गटांमध्ये दगडफेक झाल्याने मोठा हिंसाचार उफाळला होता. यामध्ये अनेक गाड्यांची जाळपोळ करण्यात आली.मात्र ज्या औरंगजेबाच्या कबरीवरुन हा हिंसाचार पेटला त्या कबरीजवळ पूर्ण शांतता पाहायला मिळत आहे. छत्रपती संभाजीनगर येथील औरंगजेबाची कबर असलेल्या खुलताबादमध्ये शांतता आहे.कबरीजवळ सकाळपासूनच पोलिसांचा मोठा बंदोबस्त तैनात करण्यात आला असून तेथे पर्यटक देखील येत आहेत.तसेच तेथे येणाऱ्या पर्यटकांनी हे सगळे राजकारण आहे अशी प्रतिक्रिया दिली आहे. एकीकडे संपूर्ण राज्यात ज्या कबरीवरून मोठा वाद सुरू आहे पण कबर असलेल्या परिसरात शांतात असून आम्ही हिंदू मुस्लिम एकोप्याने राहत आहोत अशी प्रतिक्रिया तेथील स्थानिक नागरिकांनी दिली आहे.