स्वातंत्र्यदिनानिमित्त १५ ऑगस्ट रोजी नाशिक महापालिका हद्दीतील कत्तलखाने बंद ठेवण्याचे आदेश पालिका प्रशासनाने दिले होते. मात्र या निर्णयाचा खाटीक समाजाने तीव्र विरोध केला असून, आज नाशिक शहरातील मटण आणि चिकन विक्रीची दुकानं नेहमीप्रमाणे सुरू ठेवण्यात आली आहेत. पालिका प्रशासनाच्या आदेशाविरोधात खाटीक समाज आक्रमक झाला आहे. त्यांच्या मते, हा निर्णय अन्यायकारक असून त्यातून त्यांच्या उपजीविकेवर परिणाम होणार आहे. त्यामुळे आज दिवसभर नाशिकमधील मटण आणि चिकन विक्री सुरूच राहणार आहे.