जम्मू काश्मीरच्या पहलगाम हल्ल्यानंतर भारतीय जवानांनी मोठी कारवाई करत काश्मीरमध्ये राहत असणाऱ्या दहशतवाद्यांची घर सापडून उद्ध्वस्त केली होती. त्यानंतर काश्मीरमधील दहशतवादी संघटना काश्मीर रेझिस्टन्स फ्रंट (KRF) ने अहमद सालार नावाच्या दहशतवाद्याचा एक धमकीचा व्हिडीओ जारी केला आहे. या व्हिडीओमध्ये सालारने भारताला खुल आव्हान दिलं आहे.

सालारने व्हिडीओत दावा केला आहे की, सुरक्षा दलांनी दहशतवाद्यांची घरे उद्ध्वस्त केल्याचा बदला घेतला जाईल. उद्ध्वस्त झालेल्या प्रत्येक घरासाठी, एक घर लक्ष्य केलं जाईल, अशी थेट धमकी त्याने दिली आहे. मात्र सुरक्षा दलांनी याकडे पोकळ आणि प्रचारकी प्रयत्न म्हणून पाहिले असून, दहशतवादाविरोधातील कारवाई आणखी तीव्र केली जाईल, असं त्यांनी स्पष्ट केलं आहे.

मिळालेल्या माहितीनुसार, अहमद सालार हा आधीपासूनच सुरक्षा यंत्रणांच्या रडारवर आहे आणि लवकरच त्याच्यावर कारवाई होण्याची शक्यता आहे.