मुंबईकरांसाठी दिलासादायक बातमी आहे. मुंबईकरांची जीवनवाहिनी असलेल्या लोकल प्रवासात आता कायम लेटमार्कला फुलस्टॉप लागणार आहे. कर्जत स्टेशनच्या यार्ड रिमॉडेलिंगसह आधुनिक रूट रिले इंटरलॉकिंग प्रणाली सुरू करण्यात आली आहे. तब्बल ३० वर्षापासून प्रलंबित असलेला हा महत्त्वाचा प्रकल्प अखेर पूर्ण झाला आहे. या नव्या प्रणालीमुळे गाड्यांच्या हालचाली अधिक वेगवान आणि सुरक्षित होणार असून, सीएसएमटी ते खोपोली आणि पनवेल वरून कर्जत मार्गांवरील लोकल गाड्यांच्या वेळा चुकण्याचं प्रमाण मोठ्या प्रमाणात कमी होणार आहे. रेल्वे प्रशासनाने ही प्रणाली कार्यन्वित केल्याने मुंबईकरांच्या दैनंदिन प्रवासात मोठा दिलासा मिळणार आहे.