अभिजीत देशमुख, साम टीव्ही

कल्याण डोंबिवलीचा आजूबाजुच्या परिसरात गेल्या तासाभरापासून मुसळधार पावसाने हजेरी लावली. तासभर कोसळलेल्या या पावसाने कल्याण डोंबिवलीच्या नालेसफाईची मात्र चांगलीच पोलखोल केली. कल्याण डोंबिवली महानगरपालिकेच्या मुख्यालयापासून हाकेच्या अंतरावर असलेला डॉक्टर बाबासाहेब आंबेडकर रोड छत्रपती शिवाजी महाराज चौक परिसरातील रस्ता हा पाण्याखाली गेलेला पाहायला मिळाला. रस्त्यावर जवळपास गुडघाभर पाणी साचल्याने वाहनचालकांचे मात्र चांगलीच तारांबळ उडाली होती. या परिसरात मोठ्या प्रमाणात वाहतूक कोंडी झाली होती काही वाहन देखील या पाण्यामुळे बंद पडली होती. दरवर्षी याच परिसरात पावसाळ्यात गुडघाभर पाणी साचते मात्र केडीएमसी कडून काहीच उपाययोजना होत नसल्याचा संताप नागरिकांनी व्यक्त केला.