युट्यूबर ज्योती मल्होत्राला पाकिस्तानच्या हेरगिरी प्रकरणात अटक करण्यात आली आहे. या ज्योतीचे चीनसोबतचे मैत्रीपूर्ण संबंध समोर आले आहेत. तिच्या 'ट्रॅव्हल विथ जो' या युट्यूब चॅनेलवरून याची पुष्टी झाली आहे. ती १७ एप्रिल २०२४ ला एका महिन्याच्या दौऱ्यासाठी पाकिस्तानला गेली होती. १५ मे पर्यंत ती पाकिस्तानातच होती. भारतामध्ये परतल्यानंतर अवघ्या २५ दिवसानंतर १० जूनला ती चीनला गेली. ९ जुलैपर्यंत ज्योती चीनमध्येच होती. त्यानंतर १० जुलैला ती नेपाळमधील काठमांडूला पोहचली.

ज्योती मल्होत्रावर आपल्या देशातील संवेदनशील माहिती पाकिस्तानला पुरवल्याचा आरोप करण्यात आला आहे. ज्योती हेरगिरी करत पाकिस्तानी अधिकाऱ्यांना आपल्या देशासंबंधी संवेदनशील माहिती पुरवत होती. ज्योती पाकिस्तान उच्चायुक्तालयात कार्यरत असलेल्या दानिश या अधिकाऱ्याच्या संपर्कात होती. जो तेथील गुप्तचर संस्थेच्या संपर्कात होता. हेरगिरी प्रकरणी ज्योती मल्होत्राला १७ मे रोजी अटक करण्यात आली. तिला न्यायालयाने ५ दिवसांची पोलिस कोठडी सुनावली आहे.