लोकसभा निवडणुकीचे देशात अजुनही तीन टप्पे बाकी आहेत. मात्र त्यापूर्वीच भाजप अध्यक्ष जे.पी. नड्डा यांनी खळबळजनक वक्तव्य केलं आहे. आधी संघाची गरज होती. आता भाजप सक्षम आहे. असं वक्तव्य जे.पी. नड्डा यांनी केली. संघाच्या मुशीतून तयार झालेले अनेक नेते भाजपात आहेत. अटलबिहारी वाजपेयींपासून ते नरेंद्र मोदींपर्यंत अनेक नेते संघातूनच राजकारणात सक्रीय झालेत. त्यामुळे जे.पी. नड्डांच्या या वक्तव्याने अनेकांच्या भुवया उंचावल्या आहेत. तसेच विरोधकांच्या हाती या वक्तव्याने आयतं कोलीत मिळालं आहे.