'मला किती ही चक्रव्यूहात अडकवण्याचा प्रयत्न केला तरी आता अडकणार नाही. मी आधुनिक अभिमन्यू आहे. शिवाय मुख्यमंत्री देवेंद्र फडणवीस यांचा पठ्ठा देखील आहे.' असं विधान ग्रामविकास मंत्री विजयकुमार गोरे यांनी केले आहे. त्यांनी विरोधक रामराजे नाईक निंबाळकर यांना या निमित्ताने पुन्हा एकदा डिवचले आहे. सांगोला येथे सर्वपक्षीय सत्कार समारंभात जयकुमार गोरे बोलत होते.

'सांगोल्याचे राजकारण सुसंस्कृत आहे. परंतु आमच्या जिल्ह्यात एकमेकांना जेलमध्ये घालण्याची स्पर्धा सुरू आहे. राजकारण हा सूड बुध्दीचा खेळ झालाय. सांगोला तालुका याला अपवाद आहे. या तालुक्याला विचार आहे. ज्या विहीरीत पाणी नाही त्या विहीरित उडी मारू नका. देवा भाऊच्या विहिरीत पाणी आहे. तिकडेच उडी मारा.' असं आवाहन करत शेकापचे आमदार बाबासाहेब देशमुख यांना भाजप सोबत येण्याची खुली ऑफर जयकुमार गोरे यांनी दिली.