राज्याचे उपमुख्यमंत्री अजित पवार यांचा विमान अपघातामध्ये मृत्यू झाला. अजित पवार यांच्या निधनामुळे पवार कुटुंबीयांना मोठा धक्का बसला आहे. अजित पवार यांचा मुलगा जय पवार यांनी सोशल मीडियावर भावुक पोस्ट शेअर केली आहे. जय पवार यांनी इन्साग्रामवर अजित पवार यांच्यासोबतचा फोटो शेअर केला. या पोस्टमध्ये त्यांनी लिहिले की, 'डॅड काश वेळ थांबली असती... मी तुम्हाला घट्ट मिठीत घेऊन आयुष्यभर तयास राहिलो असतो.' जय पवार यांची ही भावनिक पोस्ट सध्या चर्चेत आली आहे.

दरम्यान, राज्याचे उपमुख्यमंत्री अजित पवार यांचे २८ जानेवारला निधन झाले. बारामतीमध्ये अजित पवार यांच्या विमानाला अपघात झाला. त्यांचे विमान बारामती विमानतळाजवळ कोसळले. या विमान अपघातामध्ये अजित पवार यांच्यासह ५ जणांचा मृत्यू झाला. दृश्यमानता कमी असल्यामुळे त्यांचे विमान कोसळल्याचे सांगितले जात आहे. विमान कोसळल्यानंतर त्यामध्ये स्फोट झाले आणि त्याचे तुकडे झाले. या विमान अपघाताची सध्या चौकशी सुरू आहे.