मराठा आंदोलक मनोज जरांगे पाटील यांनी मराठा आरक्षणासंदर्भात Exclusive प्रतिक्रिया Saam TVला दिली आहे. ६ जुलै पासून मराठा आरक्षणासंदर्भातील दौऱ्यास सुरुवात होणार असून, हिंगोली, परभणी, नांदेड परिसरात आरक्षणाचा पहिला टप्प्यातील दौरा पार पडणार आहे. मराठा समाजाच्या आरक्षणाचा प्रश्न १३ जुलैपर्यंत सरकारने मार्गी लावला नाही तर विधानसभा निवडणुकीच्या मैदानात उतरण्याची तयारी मनोज जरांगे पाटील यांनी केली आहे. त्यासाठी मुस्लिम, दलीत, धनगर, बंजारा सह बारा बलुतेदाराची मोट बांधणार असल्याच त्यांनी Saam TVला प्रतिक्रिया दिली आहे. विधानसभा निवडणुकीबाबत चाचपणी सुरू असली तरी सरकारने सगेसोयरेचा मुद्दा मार्गी लावून मराठ्यांच्या सर्व मागण्या मान्य केल्या तर आम्ही राजकारणात जाणार नाही अशी भूमिका जरांगे यांनी साम टिव्हीशी बोलताना मांडली आहे.