जालना जिल्ह्यातील मंठा आणि परतूर तालुक्यांत ढगफुटी सदृश्य पावसाने हाहाकार माजवला आहे. मुसळधार पावसामुळे परिसरातील अनेक नद्यांना पूर आला असून, शेतशिवार पाण्याखाली गेले आहेत.या पावसाचा सर्वाधिक फटका खरिप हंगामातील पिकांना बसला आहे. जिल्ह्यातील सहा मंडळांत अतिवृष्टीची नोंद झाली आहे. एका मंडळात ढगफुटी सदृश्य पावसाची अधिकृत नोंद प्रशासनाकडून करण्यात आली आहे.

मागील चार दिवसांत जिल्ह्यात एकूण ८५ मिमी पावसाची नोंद झाली आहे. शेतकऱ्यांचे मोठं नुकसान झालं आहे.या आपत्तीमुळे शेतकऱ्यांमध्ये मोठी चिंता निर्माण झाली आहे.हवामान खात्यानुसार, काही दिवसांत पावसाचा जोर असाच कायम राहण्याची शक्यता वर्तवण्यात आली आहे.