जळगाव जिल्ह्यातील भडगाव येथे मुसळधार पावसामुळे ग्रामीण रुग्णालयात पुराचं पाणी शिरल्याने आरोग्यसेवा विस्कळीत झाली आहे. रुग्णालयात कमरेएवढं पाणी साचल्यामुळे उपचार प्रक्रियेत अडथळा निर्माण झाला. वाढत्या पाण्यामुळे रुग्णालयातील रुग्ण आणि परिचारिकांना तात्काळ ट्रॅक्टरच्या सहाय्याने सुरक्षित स्थळी हलवण्यात आल आहे. अचानक आलेल्या या पुरामुळे रुग्णालयातील रुग्ण आणि परिचारिकांची धावपळ झाली आहे. प्रशासन आणि स्थानिक बचाव पथकांनी तत्परतेने काम करून नागरिकांना सुरक्षित करण्याचा प्रयत्न केला आहे. मात्र या घटनेमुळे ग्रामीण भागातील आरोग्यसेवा ठप्प झाली आहे.परिसरात अजूनही पाणी साचलेलं असून परिस्थिती नियंत्रणात आणण्यासाठी प्रयत्न सुरू आहेत.