अहमदाबादमध्ये घडलेल्या भिषण विमान दुर्घटनेत पिंपरी चिंचवडमधील २२ वर्षीय इरफान शेख याचा दुर्दैवी मृत्यू झाला आहे. इरफान एअर इंडियाच्या विमानात कॅबिन क्रू मेंबर म्हणून कार्यरत होता. कालच्या अपघातग्रस्त फ्लाइटमध्ये त्याची ड्युटी होती आणि याच दुर्घटनेत त्याचे प्राण गेले. इरफान नुकताच बकरी ईदच्या निमित्ताने आपल्या कुटुंबीयांना भेटण्यासाठी पिंपरी चिंचवडमध्ये आला होता.त्यानंतर पुन्हा तो ड्युटीसाठी रुजू झाला.

ही ईद इरफाने त्याच्या मूळ गावी साजरी केलेली शेवटचीच ईद ठरली आहे. कुटुंबीयांवर शोककळा पसरली असून परिसरात हळहळ व्यक्त केली जात आहे. इरफान अभ्यासू, मनमिळावू आणि सेवाभावी स्वभावाचा होता, असं त्याच्या सहकाऱ्यांनी सांगितलं आहे.