America, Israel launch major attacks on Iran : अमेरिका आणि इस्रायलने इराणवर जोरदार हवाई हल्ले केले आहेत. या हल्ल्यांमुळे दोन्ही देशांमधील संघर्ष तीव्र झाला असून संपूर्ण जगात चिंतेचे वातावरण पसरले आहे. अमेरिका आणि इस्त्रायलनं इराणच्या 10 मोठ्या शहरांवर भीषण हवाई हल्ले केलेत. ह्या हवाई हल्ल्यात तेहरानमधील आतापर्यंत 200 हून अधिक जणांचा मृत्यू झालाय, तर सुमारे ७५० लोक जखमी झालेय. 200 लढाऊ विमानांनी इराणच्या लष्करी तळांसह 500 हून अधिक ठिकाणांना लक्ष्य केलेय. दरम्यान अमेरिकेकडून हल्ल्याचे व्हिडीओ जारी करण्यात आलेय.

या युद्धाची ठिणगी शनिवारी दुपारपासून पडली. इराणची राजधानी तेहरानवर इस्रायलकडून पहिला हल्ला करण्यात आला. तेहरानसह इराणच्या अनेक भागांत इस्रायलने आतापर्यंत २०० हून अधिक हल्ले केले आहेत. या हल्ल्यांमुळे इराणचे मोठे लष्करी नुकसान झाले असून, परिस्थिती अत्यंत स्फोटक बनली आहे. अमेरिका आणि इस्रायलच्या या संयुक्त कारवाईमुळे आखाती देशांमधील युद्धाचा वणवा अधिकच पेटण्याची शक्यता निर्माण झाली आहे.