इराण आणि इस्राइल या दोन देशांमध्ये युद्धाचा भडका उडाला आहे. दोन्ही देशांकडून एकामेकांवर हल्ले सुरू आहेत. यादरम्यान इराणने आता संयुक्त अरब अमिरातीतील दुबई शहराला लक्ष्य केले आहे. इराणने दुबईतील प्रसिद्ध लक्झरी हॉटेल बुर्ज अल अरबवर हल्ला केला. ड्रोनच्या सहाय्याने इराणकडून दुबईवर हल्ले केले जात आहे. इराणने केलेल्या ड्रोन हल्ल्यात दुबईमधील एका उंच इमारतीला भीषण आग लागल्याचा एक व्हिडीओ समोर आला आहे. आगीच्या ज्वाळा आणि धुराचे लोट सर्वत्र पसरल्याचे या व्हिडीओमध्ये दिसत आहे. या घटनेत कुणी जखमी झाल्याचे अथवा कुणाचा मृत्यू झाल्याची माहिती समोर आली नाही. पण या हल्ल्यामुळे दुबईमध्ये मोठे नुकसान झाले आहे.