आयपीएलचा सामना वानखेडे स्टेडियम येथे होत आहे. या सामन्यासाठी बेळगाव जिल्ह्यातील निपाणीतील 20 ते 25 तरुणांनी ऑनलाइन बुकिंग केलं होतं. मात्र, प्रत्यक्षात स्टेडियमवर गेल्यानंतर त्यांची फसवणूक झाल्याचे लक्षात आले. आयपीएलच्या नावाखाली मोठ्या प्रमाणात फ्रॉड असल्याचे उघड होतंय..? ज्यांची फसूनच झाली ते वानखेडे स्टेडियम परिसरात आता उभे होते.

आयपीएल हंगाम सुरु असून प्रत्येक सामन्याला प्रेक्षकांची तुफान गर्दी होतेय, याचा फायदा घेत बोगस तिकिटांची विक्री केली जात आहे. वानखेडे स्टेडिअमवर मुंबई इंडियन्सचा सामना पाहण्यासाठी आलेल्या बेळगावच्या काही तरुणांची तब्बल 82 हजारांची फसवणूक करण्यात आली असून या तरुणांनी ऑनलाईन पोर्टलवर आयपीएल सामन्यांची तिकिटं बूक केली होती. तिकिंट मुंबईत आल्यावर मिळतील असं त्यांना सांगण्यात आलं. पण मुंबईत आल्यावर तिकिटं बोगस असून आपली फसवणूक झाल्याचं त्यांच्या लक्षात आलं.