भारताने दहशतवादाविरोधात निर्णायक पाऊल उचलत 'ऑपरेशन सिंदूर'च्या माध्यमातून मोठी कारवाई केली आहे. सूत्रांच्या माहितीनुसार, मंगळवारी मध्यरात्रीनंतर १.३० वाजता भारतीय वायुदलाने पाकिस्तान आणि पाकव्याप्त काश्मीरमधील ९ दहशतवादी तळांवर अचूक एअर स्ट्राईक केले. या कारवाईत भारताने पाकिस्तानला दहशतवाद्यांना मदत केल्याबद्दल स्पष्ट इशारा दिला आहे. याच दरम्यान बलुचिस्तानमधील एक व्हिडीओ व्हायरल झाला आहे.

भारताचं पाकिस्तानात ऑपरेशन सिंदूरनंतर बलुचिस्तानमध्ये आनंदा साजरा करण्यात आला असे तुम्ही व्हिडीओमध्ये पाहू शकता. बलुचिस्तानमध्ये लोक आनंदाने नाचताना दिसत आहेत. ऑपरेशन सिंदूरबाबत त्यांना खूप जास्त आनंद झाल्याचा या व्हिडीओमध्ये दिसून येत आहे. हा व्हिडीओ सोशल मीडियावर खूप व्हायरल होत आहे.

तसेच भारतातील अनेक भागांत आनंद साजरा करण्यात येत आहे. पुणे जिल्ह्यातील ग्रामीण भागातील नागरिकांनी यांचा जल्लोषात स्वागत केले. यावेळी तिरंगा फडकवात, फटाके फोडत, पेढे भरून आनंद साजरा केला आहे. पाकिस्तानवरील सर्जिकल स्ट्राईकचा सांगलीत जल्लोष होत आहे. शिव प्रतिष्ठानकडून आतिषबाजी आणि पेढे वाटून आनंदोत्सव साजरा केला जात आहे.