जम्मू काश्मीरच्या पहलगाम हल्ल्यानंतर संपूर्ण देशभरात संतापाची लाट उसळली आहे. अशातच पंतप्रधान नरेंद्र मोदी यांनी दहशतवाद्यांना चोख उत्तर देण्याचा इशारा दिल्यानंतर पाकिस्तानची पायाखालची वाळू सरकली आहे. याच पार्श्वभूमीवर भारत कोणत्याही क्षणी पाकिस्तानी दहशतवाद्यांवर त्याच भाषेत उत्तर देऊ शकतो अशी परिस्थिती निर्माण झाली आहे.

भारताच्या तीनही दल हे सतर्क झाले असून केंद्रीय गृह मंत्रालयाने सर्व राज्यांना आणि केंद्रशासित प्रदेशांना 7 मे रोजी मॉक ड्रिल घेण्याचे आदेश दिले आहेत. आपत्कालीन परिस्थितीत प्रशासन किती सज्ज आहे हे ह्या मॉक ड्रिलचा उद्देश आहे. राज्यांनी पोलीस नागरी संरक्षण यंत्रणा, आरोग्य विभाग आणि अन्य आपत्कालीन सेवांशी संबंधित यंत्रणांना सतर्क राहण्याचे निर्देश दिले आहेत. मॉक ड्रिल मध्ये बॉम्बस्फोट शस्त्रधारी हल्ले आणि नैसर्गिक आपत्ती यांसारख्या विविध परिस्थितींचा समावेश असणार आहे.