तुमचेही ईएमआय सुरू आहेत का? तर तुमच्यासाठी ही बातमी महत्वाची आहे. कारण आता तुमचा EMI वाढण्याची शक्यता आहे. कारण देशात महागाईचा भडका उडाला असून किरकोळ महागाई दर थेट 4.38 टक्क्यांवर पोहोचला आहे. तब्बल 17 महिन्यांत महागाईनं रिझर्व्ह बँकेची 4 टक्क्यांची नियंत्रणरेषा ओलांडली आहे. आंतरराष्ट्रीय बाजारात कच्याचे तेलाचे दर कडाडल्याने आणि अन्नधान्याचे भाव वाढल्याने हा फटका बसला आहे. आगामी काळात व्याजदर वाढून सामान्यांचा ईएमआय महाग होण्याची दाट शक्यता निर्माण झाली आहे. त्यामुळे भविष्यात सर्वसामान्यांच्या खिशावर ताण येण्याची शक्यता आहे.