IG जालिंदर सुपेकर हे राजेंद्र हगवणे यांचे मेहूने असून त्यांनीच निलेश चव्हाणला पिस्तुलच लायसन दिल्याचा गंभीर आरोप सामाजिक कार्यकर्त्या अंजली दमनिया यांनी केला. तसेच त्यांनी एक ऑडिओ क्लिप देखील ऐकवली. ज्यामध्ये सुपेकर आणि एका पोलीस अधिकाऱ्याचे संभाषण आहे. अंजली दमनिया म्हणाल्या, हगवणे कुटुंबाच्या सर्व आरोपींना अटक झाली हे बघून बर वाटले परंतु अजून एक व्यक्ती आहे त्याने या कुटुंबाला मदत केली आहे.

जालिंदर सुपेकर यांच्या विरोधात महिला आयोगामध्ये मयूरीच्या आईने पत्र लिहिले आहे. मेहुण्याच्या आणि राजकारण्यांचा धाक दाखवून या कुटुंबाला हैराण केले आहे. असे खळबळजनक आरोप अंजली दामनिया यांनी केल्यानंतर जालिंदर सुपेकर हे आता दमनिया यांच्या विरोधात अब्रू नुकसानीचा गुन्हा दाखल करणार आहे. तसेच त्या ऑडिओमध्ये छेडछाड करण्यात आली असून हा आवाज आपला नसल्याचे त्यांनी स्पष्ट केले.