नाशिकमध्ये नाशिक पोलीसांना तपासादरम्यान 31 लाख रुपयांची रोकड सापडली आहे. नाशिकच्या सातपूर परिसरातील नाकाबंदी दरम्यान 20 लाख 50 हजार रुपयांची रोकड सापडली आहे. तर उपनगराच्या झोपडपट्टीत घराच्या झडती दरम्यान 11 लाख रुपये सापडले आहेत. या रकमेचा काही राजकीय संबंध आहे का, असा तपास पोलीस करत आहेत.

निवडणुकीच्या पार्श्वभूमीवर नाशिकमध्ये 31 लाख रुपयांची रोकड सापडल्याने खळबळ उडाली आहे. राज्यात विधानसभा निवडणुकीच्या अनुषंगाने आचारसंहिता लागू आहे. त्यातच अनेक भागात मोठ्या प्रमाणात रक्कम मिळून येत आहे. त्यामुळे विधानसभेत पैशांचा पाऊस होत असल्याचं सध्या दिसत आहे. गुरुवारी नाशिकच्या सातपूर परिसरातील नाकाबंदी दरम्यान पोलीसांना 20 लाख 50 हजार रुपयांची रोकड मिळून आली आहे. तर नाशिक उपनगराच्या एका झोपडपट्टीत घराची झडती घेत असताना 11 लाख रुपये रोख मिळून आली आहे. त्यामुळे आता नाशिक परिसरात खळबळ उडाली आहे. या रकमेचा काही राजकीय संबंध आहे का? याबद्दल सध्या चौकशी सुरू आहे.

Edited By Rakhi Rajput