घर आणि दुकानं भाडे तत्वावर देणाऱ्यांसाठी मोठी बातमी समोर आली आहे. भाड्याने मिळणारं उत्पन्न यापुढे गृहसंपत्ती उत्पन्नात दाखवावं लागणार आहे. त्यामुळे घर किंवा दुकान मालकांना जास्त कर भरावा लागणार आहे. बजेटमध्ये एक नवीन नियम जारी करण्यात आला आहे. ज्यानुसार घर किंवा दुकान भाड्याने दिल्याने मिळणार उत्पन्न हे टॅक्स भरताना गृहसंपत्ती उत्पन्नात दाखवावं लागणार आहे. ते आता व्यवसायाचं उत्पन्न म्हणून दाखवता येणार नाही. करदाते भाड्याच्या घरातून मिळणारं उत्पन्न हे व्यवसायातील उत्पन्न आणि नफा म्हणून दाखवतात.