मालवण येथील छत्रपती शिवाजी महाराजांच्या पुतळ्यासंदर्भात वंचित बहुजन आघाडीचे अध्यक्ष प्रकाश आंबेडकर यांनी अतिशय मोठं आणि धक्कादायक विधान केलंय.‌ पुतळा कितीही कमजोर असला तरी पडू शकत नाही. त्यामुळे मालवण येथील छत्रपती शिवाजी महाराजांचा पुतळा पडला की पाडला गेलाय?, असा संशय प्रकाश आंबेडकर यांनी व्यक्त केलाय. प्रकाश आंबेडकरांच्या या दाव्यानंतर मोठा गदारोळ होण्याची शक्यता आहे. या संपूर्ण प्रकरणाची उच्चस्तरीय चौकशी करण्याची मागणी प्रकाश आंबेडकर यांनी केलीये. या मुद्द्यावर देवेंद्र फडणवीस जनतेची माफी का मागत नाही? याचाही खुलासा करण्याचं प्रकाश आंबेडकर म्हणालेत. दरम्यान, तिसऱ्या आघाडी संदर्भात 10 सप्टेंबरला बैठक घेऊन निर्णय घेण्यात येईल असं ते म्हणालेत.