मराठा आरक्षणाच्या प्रश्नी आता नवे वादंग निर्माण झाले आहेत. मनोज जरांगे पाटील यांच्या आंदोलनाला सरकारकडून यश मिळाल्यानंतर हैद्राबाद गॅझेटीयरनुसार अध्यादेश काढण्यात आला. मात्र, या निर्णयामुळे ओबीसी नेते आक्रमक झाले असून राज्यभरात नवीन घडामोडी घडताना दिसत आहेत. दरम्यान, वकील गुणरत्न सदावर्ते यांनी जरांगे पाटील यांच्यावर जोरदार हल्लाबोल केला आहे. हैद्राबाद गॅझेटीयरनुसार कोणीही मागासवर्गीय ठरत नाही," असे मत व्यक्त करत त्यांनी सरकारच्या निर्णयावर प्रश्नचिन्ह उपस्थित केले. इतकंच नव्हे तर, सदावर्ते यांनी जरांगे पाटील यांच्यावर एक रॅप सादर करून तीव्र टीका केली आहे.