मालवण राजकोट येथील छत्रपती शिवाजी महाराजांच्या पुतळ्याचे आज मुख्यमंत्री देवेंद्र फडणवीस यांच्या हस्ते अनावरण पार पडले. या कार्यक्रमाला उपमुख्यमंत्री एकनाथ शिंदे यांच्यासह संपूर्ण मंत्रिमंडळ उपस्थित होते. या नव्याने उभारण्यात आलेल्या छत्रपती शिवाजी महाराजांच्या पुतळ्याची काम झाल्याची माहिती समोर आली आहे.

या पुतळ्याचे काम कार्यकारी अभियंता सर्वगोड यांच्या देखरेखेखाली काम सुरू होते. गेल्यावळी हा पुतळा 31 फुटाचा होता. आता 83 फुटांचा दिमागदार आणि शानदार असा छत्रपती शिवाजी महाराजांचा पुतळा उभारण्यात आला आहे. राम क्रिएशन आर्टचे शिल्पकार राम सुतार यांनी हा भव्य दिव्य पुतळा उभारला आहे.

हा पुतळा आठ एमएम जाडीच्या कास्य धातुपासून बनला आहे. महाराजांच्या हातातील तलवार 15 फुट लांबीची आहे.

200 किलोमीटर वाऱ्याला देखील हा पुतळा सामोरे जाईल. या पुतळ्याच्या उभारणीला 31 कोटींहून अधिकचा खर्च केल्याचे सांगितले जात आहे.