राज्य मंत्रिमंडळाची आज बैठक पार पडली. या बैठकीत अतिवृष्टीने नुकसान झालेल्या शेतकऱ्यांसाठी सरकारने मोठे पॅकेज जाहीर केले. गेल्या महिन्यात पावसाने हाहाकार माजवला होता. या पावसाने बळीराजाचा तोंडाशी आलेला घास हा निघून गेला. घरे, झोपडी आणि वाहने तसेच त्यांचे जनावरे देखील दगावले आहेत. यानंतर जगाचा पोशिंदा हा हवालदिल झाला. तसेच यांच्या मुलांची देखील शालेय साहित्य हे पावसाने वाहून नेले. घरही राहीले नाही. शिजवायला अन्न ही नाही. शाळा, कॉलेजला जाण्यासाठी फीला पैसे नाही. अशी वाईट अवस्था ही राज्यात निर्माण झाली आहे. त्यासाठी शाळा कॉलेजच्या विद्यार्थ्यांची फी माफ केली जाणार आहे. या अतिवृष्टीमुळे विद्यार्थ्यांचे स्वप्न अबाधित राहू नये त्यासाठी मुख्यमंत्री सहाय्यता निधीतून मदत करणार असल्याचे देवेंद्र फडणवीस म्हणाले.