सोन्याचे दर दिवसेंदिवस वाढतच आहेत. 24 कॅरेट सोन्याचा दर हा आता 75000 रुपयांच्या पार गेलाय. याआधी सोनं 70 हजारांच्या पार गेलं होतं. मात्र आता यात आणखी वाढ होऊन सोन्याने प्रति तोळा 75 हजार रुपयांचा टप्पा ओलांडलेला आहे. 24 कॅरेट सोन्याचा दर हा 75 हजार 350 असल्याचं मंगळवारी पाहायला मिळालं होतं. सोन्याच्या वाढलेल्या दरांमुळे ऐन लग्नसराईत सर्वसामान्यांना फटका बसण्याची शक्यता वर्तवली जाते. वाढलेल्या सोन्याच्या दरांमुळे आता सोनं घेणं सर्वसामान्याच्या आवाक्याबाहेर गेल्याचं बोललं जातंय. येत्या काळात सोन्याचे दर आणखी वाढतील, अशी शक्यताही जाणकारांनी वर्तवलीय.