रणजीत माजगांवकर, कोल्हापूर | साम टीव्ही

Gokul election nomination form submission dates 2026 : संपूर्ण राज्याचं आणि विशेषतः राजकीय क्षेत्राचं लक्ष लागलेल्या गोकुळ दूध संघाच्या निवडणुकीचा बिगुल अखेर वाजला आहे. गोकुळ दूध संघाच्या निवडणुकीचा कार्यक्रम जाहीर करण्यात आला आहे. 18 ऑक्टोबर रोजी मतदान, तर 19 ऑक्टोबरला मतमोजणी करून निकाल जाहीर करण्यात येणार आहे.

15, 16, 17, 21 आणि 22 सप्टेंबर या पाच दिवशी उमेदवारी अर्ज दाखल करता येणार आहेत. निवडणूक निर्णय अधिकारी मोसमी चौगुले यांनी निवडणूक कार्यक्रमाची माहिती दिली. गोकुळच्या निवडणुकीची घोषणा होताच कोल्हापूरच्या सहकार आणि राजकीय क्षेत्रातील हालचालींना आता वेग येणार आहे. कोणत्या गटाकडून कोणाला उमेदवारी मिळणार? कोणाची कोणासोबत आघाडी होणार? आणि गोकुळवर पुन्हा कोणाचं वर्चस्व राहणार? याकडे आता संपूर्ण राज्यसह कोल्हापूर जिल्ह्याचं लक्ष लागलं आहे.

• एकूण २५ उमेदवार निवडून देणार

• अर्ज भरण्यास १५ सप्टेंबरपासून सुरूवात होणार

• अर्ज दाखल करण्याची अंतिम मुदत - २२ सप्टेंबर

• छाननी - २३ सप्टेंबर

• वैध अर्ज - २४ सप्टेंबर

• अर्ज माघार - २५ सप्टेंबर ते ८ ऑक्टोबर

• या दरम्यान उमेदवारांची फायनल यादी प्रसिद्ध करणार आणि चिन्ह वाटप होणार

• मतदान -१८ ऑक्टोबर

• मतमोजणी -१९ ऑक्टोबर