इराण विरुद्ध इस्राईल आणि अमेरिका यांच्यातील युद्धामुळे जागतिक स्तरावर इंधन संकट ओढावलंय. इंधनाचे दर गगनाला भिडल्यानं महागाईचा भडका उडण्याची शक्यता निर्माण झाली आहे. याचा सर्वाधिक फटका सामान्यांना बसणार आहे. या परिस्थितीवर मात कऱण्यासाठी आंतरराष्ट्रीय ऊर्जा संस्था म्हणजेच IEAनं महत्त्वाच्या उपाययोजना सुचवल्यात आहेत. खासगी वाहनांसाठी सम विषम प्रणाली लागू करणं सार्वजनिक वाहतुकीचा वापर वाढवणं आणि आठवड्यातून 3 दिवस वर्क फ्रॉम होम करणं अशा पर्यायांचा समावेश आहे. त्यामुळे कर्मचाऱ्यांना मोठा दिलासा मिळण्याची शक्यता आहे. दरम्यान, इराण-इस्राइलमध्ये सुरू असलेल्या युद्धाला तीन आठवडे होत आले. तरी देखील हे युद्ध अद्याप संपले नाही. या युद्धाचा फटका आता संपूर्ण जगाला बसताना दिसत आहे. युद्धामुळे पेट्रोल-डिझेल, गॅस सिलिंडरच्या किंमती वाढल्या आहेत. त्यामुळे नागरिकांच्या खिशाला फटका बसताना दिसत आहे.