केंद्राच्या धर्तीवर राज्यात सुधारित पेन्शन योजना लागू करण्याचा निर्णय घेण्यात आला आहे. या निर्णयाला संमिश्र प्रतिसाद मिळत आहे. काही सरकारी कर्मचाऱ्यांनी या निर्णयाला पाठिंबा दिला आहे. तर काहीनी नाराजी दर्शवली आहे.

लाखो कर्मचाऱ्यांच्या आंदोलनानंतर सरकारी कर्मचाऱ्यांसाठी ups ही पेन्शन योजना लागू करण्यात आली आहे. केंद्राच्या धर्तीवर राज्यात लागू करण्यात आलेल्या या पेन्शन योजनेमुळे 25 वर्ष नोकरी केलेली असेल अशांनाच लाभ मिळणार आहे. यात शेवटच्या वेतनाच्या मूळ 50 टक्के आणि महागाईच्या 60 टक्के रक्कम कर्मचाऱ्यांना देण्यात येणार आहे. पेन्शन धारकाचा मृत्यू झाल्यास पेन्शनच्या 60 टक्के रक्कम मिळणार आहे. 10 वर्षांत नोकरी सोडली तर 10 हजार रुपये पेन्शन देण्यात येईल. असे अनेक फायदे या पेन्शन योजनेतून होणार आहे.