वर्ध्यात गौतमी पाटील यांच्या कार्यक्रमात पुन्हा एकदा गोंधळ झाल्याचे समोर आले आहे. वर्धा सांस्कृतिक महोत्सवाअंतर्गत आयोजित या कार्यक्रमासाठी तिकीट ठेवण्यात आले होते. मात्र तरीही मोठ्या संख्येने गर्दी जमली. आयोजकांचे नियोजन कोलमडल्याने प्रेक्षकांनी गोंधळ घालत खुर्च्यांची तोडफोड केली आणि पडदेही फाडले.मिळालेल्या माहितीनुसार, कार्यक्रमामध्ये गर्दी जास्त झाल्यामुळे नियोजन कोलमडलं. यात गर्दी वाढत गेली आणि अचानक प्रेक्षकांनी खुर्च्यांची तोडफोड करायला आणि पडदे फाडायला सुरुवात केली.' परिस्थिती नियंत्रणात आणण्यासाठी पोलिसांना काही प्रेक्षकांवर लाठीचार्ज करावा लागल्याचीही माहिती आहे. या घटनेमुळे आयोजकांच्या नियोजनावर प्रश्नचिन्ह निर्माण झाले आहे.