रत्नागिरी जिल्ह्यातील प्रसिद्ध गणपतीपुळे मंदिर परिसरात समुद्राने थैमान घातले आहे. समुद्राच्या भरतीचं पाणी थेट मंदिराच्या पायऱ्यांपर्यंत पोहोचले आहे.लाटा उसळत असून, या प्रचंड लाटांमुळे मंदिराच्या आजूबाजूच्या सुरक्षा भिंतींना मोठा तडा गेला आहे. गणपतीपुळे मंदिराच्या बाहेरील प्रसाद रांगेपर्यंत समुद्राच्या लाटांच पाणी शिरलेले आहे. मंदिराच्या प्रसाद रांगेच्या ठिकाणाच्या मंडपाचे सुध्दा लाटांमुळे नुकसान झाले आहे. या समुद्रफेनामुळे मंदिराजवळील अनेक लहानमोठ्या दुकाने आणि व्यावसायिक गाळे पाण्यात गेले आहेत. अजस्त्र लाटा गणपतीपुळे मंदिराच्या जवळच्या गेटपर्यंत आल्या आहेत. समुद्राला उधाण आल्यामुळे पाणी मंदिरापर्यंत पोहोचले असून, कोकण किनारपट्टी भागात पावणे पाच मीटर उंचीच्या लाटा उसळणार आहेत.