ठाणे : ठाणे रेल्वे स्थानकावर एका जाहिरात फलकाला आग लागली आहे. ही आग छोटीशी होती आणि ती वेळीच विझवल्याने मोठी दुर्घटना टळली. ठाणे रेल्वे स्थानकाच्या फलाट क्रमांक एकवर एका जाहिरात फलकावरील वायरिंगमध्ये स्पार्क झाला आणि त्यामुळे आग लागली. पण वेळीच ही आग लक्षात आली आणि विझवली गेली. घाटकोपरमध्ये जाहिरात फलक कोसळून मोठी दुर्घटना घडली होती. त्यात १६ जणांचा मृत्यू झाला होता. त्यानंतर राज्यात अनेक जाहिरात फलकांची झाडाझडती घेण्यात आली होती.