घाटकोपरमध्ये होर्डिंग कोसळून अपघात झाला होता. त्याचे बचावकार्य सुरू असताना आग लागली आहे. या आगीत कुठलीही हानी झालेली नाही अशी प्राथमिक माहिती आहे. स्पार्क प्लगमुळे ही आग लागल्याचे सांगितले जात आहे. आगीची माहिती मिळताच ही आग आटोक्यात आणण्याचे काम सुरू आहे. होर्डिंग कोसळल्यानंतर अजूनही काही लोक खाली अडकल्याची भिती व्यक्त केली जात आहे. या अपघातात आतापर्यंत १४ जणांचा मृत्यू झाला असून ७८ जण जखमी झाले आहेत. भावेश भिंडे याच्या मालकीचा हा होर्डिंग असल्याचे प्राथमिक तपासात समोर आले आहे. सध्या भावेश फरार आहे आणि पोलिस त्याचा शोध घेत आहेत.