जालना नांदेड समृद्धीत संपादित होणाऱ्या जमिनीला योग्य मोबदला देण्याच्या मागणीसाठी जालन्यातील देवमूर्ती येथे मागील महिन्याभरापासून समृद्धीत बाधित होणाऱ्या शेतकऱ्यांचे आंदोलन सुरू आहे. शेतकऱ्यांचे आरोप आहेत की, शासनाने त्यांच्या जमिनीचा मोबदला दिलेला नाही. त्यामुळे संतप्त शेतकऱ्यांनी महामार्गावरचा रस्ता अडवून आंदोलन केल आहे.

या अंदोलनामुळे वाहतूक ठप्प झाली आहे आणि नागरिकांना अडचणींचा सामना करावा लागला आहे. शेतकऱ्यांच्या रास्ता रोको आंदोलनामुळे जालना मंठा रोडवर वाहनांच्या लांबच लांब रांगा लागलेल्या पाहायला मिळत आहे. शेतकऱ्यांनी ईशारा दिला आहे की, जोपर्यंत त्यांना न्याय मिळत नाही तोपर्यंत आंदोलन थांबणार नाही.शासनाने याकडे तातडीने लक्ष देण्याची मागणी आंदोलनकर्त्यांन कडून करण्यात आली आहे.