उपमुख्यमंत्री एकनाथ शिंदे यांची नुकतीच पक्षाची बैठक संपन्न झाली. या बैठकीत शिंदेनी आपल्या पक्षाच्या पदाधिकाऱ्यांना मुंबई महानगरपालिकेच्या निवडणुकीसंदर्भात महत्वाच्या सूचना दिल्या. आगामी निवडणुकीत मुंबई मनपावर भगवा फडकवण्याचे उद्दिष्ट ठेवून आणि सर्वांनी स्वतःला एकनाथ शिंदे आहे असे समजा असे आवाहन केले.

सूत्रांनी दिलेल्या माहितीनुसार शिंदे म्हणाले, मेहनत केली तर यंदाचा महापौर आपलाच असेल. पदाधिकाऱ्यांनी आपापसातील हेवेदावे आणि वादविवाद बाजूला ठेवून कामाला लागा अशा सूचना दिल्या. ही निवडणूक महायुती म्हणून लढवली जाईल आणि विजय निश्चित असल्याचा विश्वास देखील त्यांनी कार्यकर्त्यांना दिला. तसेच कार्यकर्त्यांनी निवडणूक मतदार यादीवर काम करावे आणि प्रत्येक वार्डातील वाढीव मतदारांची माहिती गोळा करावी अशा सूचनाही एकनाथ शिंदे यांनी यावेळी दिल्या.