लातुर जिल्ह्यात मुसळधार पाऊस झाला. लातुर जिल्ह्यातील रेणापूर तालुक्यातील शिणगाव, आंदलगाव आणि पोहरेगाव या गावांना जोडणारा पूल पाण्याखाली गेला आहे. पुल पाण्याखाली गेल्यामुळे या भागातील नागरिकांना जीव मुठीत घेऊन प्रवास करावा लागत आहे. पावसाच्या पाण्यात वाट काढत काही नागरिक स्वत:च्या जीवावर धोक्याची टांगती तलवार घेऊन प्रवास करत आहेत. पुलावरुन पाण्याचा प्रवाह वाढल्यामुळे काही गावांचा संपर्क तुटला आहे. एका गावावरुन दुसऱ्या गावला जाण्यासाठी नागरिकांना जिवाची कसरत करावी लागत आहे.