संघर्ष गांगुर्डे, साम टीव्ही

कल्याण पश्चिम येथील वर्टेक्स परिसरात एका मद्यधुंद डॉक्टरने भरधाव वेगात कार चालवत तीन ते चार दुचाकींना धडक दिल्याची घटना घडली आहे. या अपघातात तीन ते चार जण जखमी झाले असून त्यांना उपचारासाठी रुग्णालयात दाखल करण्यात आले आहे. घटनेची माहिती मिळताच खडकपाडा पोलीस घटनास्थळी दाखल झाले. कार चालक असलेल्या डॉक्टरला मद्यधुंद अवस्थेत ताब्यात घेण्यात आले असून डॉक्टर विरोधात गुन्हा दाखल करण्याची प्रक्रिया सुरू केली आहे.