डोंबिवली डॉक्टर मारहाण प्रकरणातील मुख्य आरोपी नगरसेवक रमेश म्हात्रे अखेर २० दिवसांनी तुरुंगाबाहेर आलेत. मुंबई उच्च न्यायालयाने पूर्वी मिळालेला जामीन रद्द केल्यानंतर म्हात्रे यांना तुरुंगाची हवा खावी लागली. जामिनावर बाहेर येताच न्यायालयाचा निर्णय मला मान्य असेल, अशी प्रतिक्रिया त्यांनी माध्यमांना दिली.

रुग्णालयातील डॉक्टर आणि परिचारिकेला अमानुष मारहाण केल्याप्रकरणी एकनाथ शिंदे यांच्या शिवसेनेचा नगरसेवक रमेश म्हात्रे २० दिवस कारावासात होता. मुंबई उच्च न्यायालयाने अटी शर्तींसहित जामीन मंजूर केल्यानंतर शनिवारी म्हात्रे तुरुंगाबाहेर आलेत.