दिवाळी काहीच दिवसांवर येऊन ठेपली आहे. अश्यातचं मिठाईच्या दुकानांमध्ये खरेदीसाठी लगबग सुरू झाली आहे. यंदा मिठाईच्या दरात साधारणपणे 10 ते 15 टक्के वाढ झाली असून, काजू बर्फी, सोनपापडी, मावा मिक्स बर्फी प्रमाणे सुक्या मेव्यापासून बनवलेल्या मिठाईला ही यंदा बाजारात अधिक मागणी आहे. महागाईचा परिणाम मिठाई व ड्रायफ्रूटच्या भावावर होत असला तरी ही ग्राहकांनी मिठाई खरेदीसाठी मिठाईच्या दुकानांमध्ये आतापासूनच गर्दी केलीय. ग्राहकांच्या खरेदीचा उत्साह मोठ्या प्रमाणात दिसून येत आहे. त्यामुळे दिवाळी सणाला मिठाईच्या विक्रीत कोटींची उलाढाल होण्याची शक्यता वर्तवण्यात आली आहे.