धुळ्यात गणेशोत्सवानिमित्त मार्गस्थ होणाऱ्या मिरवणुकांच्या मार्गामध्ये रस्त्यांमध्ये पडलेल्या मोठमोठ्या खड्ड्यांच्या विरोधामध्ये महानगरपालिकेचा निषेध करण्यासाठी रस्त्यावर गणपती बाप्पा अवतरले होते. सामाजिक कार्यकर्त्यांनी गणपती बाप्पाचा वेश परिधान करून धुळ्याच्या रस्त्यांवर पडलेल्या खड्ड्यांचा निषेध केला आहे.

आज झालेल्या जोरदार पावसानंतर खड्डेमय रस्त्यामध्ये मोठ्या प्रमाणात पाणी साचल्यामुळे या रस्त्यावरून वाहतूक करणाऱ्या वाहनधारकांची चांगलीच कसरत बघावयास मिळत आहे, गेल्या काही दिवसांपासून विविध सामाजिक संघटनांच्या वतीने धुळे शहरातील रस्त्यांमध्ये पडलेले खड्डे पालिका प्रशासनातर्फे बुजवण्यात यावे अशी वारंवार मागणी करण्यात येत आहे, परंतु याकडे पालिका प्रशासन सर्रासपणे दुर्लक्ष करताना दिसून येत असल्यामुळे आज अक्षरशः रस्त्यावरती सामाजिक कार्यकर्त्यांनी गणपती उतरवत पालिका प्रशासनाचा निषेध केला आहे.