बीड जिल्ह्यातील सरपंच संतोष देशमुख हत्या प्रकरणात मुख्य सूत्रधार असल्याचा आरोप होत असलेल्या वाल्मिक कराड यांच्याबाबत धनंजय मुंडे यांनी एक धक्कादायक विधान केलं आहे. कराड हे माझे निकटवर्तीय असल्याची कबुलीच मुंडे यांनी दिली आहे. त्यामुळे या प्रकरणात आता नवा वाद उफाळण्याची शक्यता आहे. वाल्मिक कराड यांना पाठीशी घालण्यामागे बीडच्या मंत्र्यांचा पोलिसांवर दबाव असल्याचा आरोप विरोधी पक्ष नेते अंबादास दानवे यांनी काल विधान परिषदेत केला आणि आता मुंडे यांनी कराड निकटवर्तीय असल्याचं विधान केलं आहे. त्यामुळे या आरोपांना पुष्टी मिळण्याची शक्यता आहे.

मस्साजोग येथील सरपंच संतोष देशमुख यांच्या हत्येला आठ दिवस झाले आहेत. या प्रकरणात वाल्मिक कराड हे मुख्य सूत्रधार असल्याचं सूत्रांकडून सांगण्यात येत आहे. याबद्दल बोलताना काल बीडच्या मंत्र्यांचा पोलिसांवर दबाव आहे असा आरोपही केला. त्यांनंतर आज धनंजय मुंडे यांनी कराड हे माझे निकटवर्तीय असल्याचं स्पष्टीकरण दिलं आहे. त्यामुळे या प्रकरणात नवा वाद निर्माण होण्याची शक्यता आहे.