भारतीय जनता पक्षातर्फे आज मुंबई येथे राखी प्रदान कार्यक्रमाचे आयोजन करण्यात आले होते. या कार्यक्रमास मुख्यमंत्री देवेंद्र फडणवीस संबोधित करताना म्हणाले, आजचा कार्यक्रम हा अतिशय सुंदर आणि भावनिक आहे. या कार्यक्रमात संपूर्ण महाराष्ट्रातून महिलांनी उपस्थिती लावत देवेंद्र फडणवीस यांना राखी बांधली. यावेळी फडणवीस म्हणाले, आता पर्यंत 36 लाख 78 हजार बहीणींची राखी ही माझ्या पर्यंत पोहोचली आहे. तर काहींनी पत्राद्वारे आपल्या भावना लिहिल्या आहेत, ते मी स्वीकारतो आणि जन्मभर मला या प्रेमातच राहायचे आहे. मला या प्रेमाच उतराही कधीच व्हायच नाही हे देखील त्यांच्या पर्यंत पोहोचवायचे आहे अशी भावना देवेंद्र फडणवीस यांनी व्यक्त केली. पुढे फडणवीस म्हणाले, यामधील कुठलीही एक राखी उचलली तर त्या रखीची जात काय आहे? त्याचा धर्म काय आहे? त्याचा पंथ काय आहे? त्याची भाषा काय आहे? या प्रत्येक राखीमध्ये फक्त प्रेम आहे असे देवेंद्र फडणवीस म्हणाले.