मुंबईतील सेंट जॉर्ज रुग्णालयातील कर्मचाऱ्याचा वेळेवर उपचार न मिळाल्याने मृत्यू झाल्याची घटना समोर येत आहे. अनिस चव्हाण असं मृत कर्मचाऱ्याचं नाव असून ते सेंट जॉर्ज रुग्णालयातील चतुर्थ श्रेणी कर्मचारी होते. चव्हाण यांच्या डोक्याला एका अपघातात दुखापत झाली होती, त्यामुळे त्यांना रुग्णालयात दाखल करण्यात आलं होतं. वरिष्ठ डॉक्टर हॉस्पिटलमध्ये नसल्याने त्यांना दोन ते अडीच तास उपचार मिळाला नाही असा आरोप त्यांच्या कुटुंबियांकडून केला जात आहे. त्यांना वेळेवर उपचार न मिळाल्याने मृत्यू झाल्याचा आरोप चव्हाण कुटुंबीय आणि सहकर्मचाऱ्यांकडून करण्यात येत आहे. या प्रकरणी दोन डॉक्टरांचे निलंबन करण्यात आलं आहे. विधानसभा अध्यक्ष राहुल नार्वेकर यांनी कारवाईचे आदेश दिल आहेत.